Leys størv

 

Sølufólk til Búnýti

Handil okkara í miðbýnum hevur tørv á enn fleiri sølufólkum, so kundar okkara framhaldandi kunnu fáa eina góða tænastu.

Starvið sum sølufólk er eitt avbjóðandi starv, tí tað góða sølufólkið hevur innlit í alla okkara vørur umframt at megna at selja kundum okkara tær vørur teimum tørvar. Soleiðis trúgva vit, at kundar okkara fáa eina góða tænastu og koma aftur næstu ferð.

 

Vit síggja fyri okkum, at rættium søkjarin er ein, sum skilir týdningin av góðari kundarøkt. Tú mást megna at avgreiða kundar okkara sjálvstøðugt. At tú hevur royndir innan sølu, búnýti ella Navision er sjálvsagt ein fyrimunur.

 

Afturfyri bjóða vit eitt starv við nógvum dugnaligum starvsfeløgum, sum eru førir fyri at hjálpa tær fakliga,tá ið á stendur. Starvið fer uttan iva at avbjóða teg, og hevur tú hugin og áræðið, so eru nógvir møguleikar hjá tær at fáa nýggjar og enn størri avbjóðingar sum frá líður í fyritøku okkara.

 

Tað rætta sølufólkið fær løn og setanartreytir, sum svara til førleikarnar.

 

Um tú vil vita meira, so er tú vælkomin at ringja til Súsannu á Dul á tlf 218060 fyri at hoyra nærri.

 

Starvið verður sett, so skjótt tann rætti søkir og umsóknir kunnu sendast til sd@mp.fo

 

 

 

ERT TÚ OKKARA NÝGGJI HANDILSLÆRLINGUR?

Gleðist tú yvir eitt vakurt dekkað borð, sum er so flott, at tað er klárt at koyra í eitt damublað, ella kennir tú týdningin av, at dugnaligi kokkurin má hava røttu amboðini, ella hugsar tú bara, at tað hevði verið feitt at farið í læru hjá einum av elsta (og besta) handil í landinum – so skalt tú lesa meir.

 

Vit bjóða tær eina góða útbúgving á einum spennandi, mennandi og nýmótans arbeiðsplássi, har tú saman við tínum starvsfeløgum, verður við til at mynda og menna handilin. Ígjøgnum útbúgvingartíðina fært tú eitt gott innlit í søluyrkið, samstundis sum tú fært ábyrgd og sleppur at royna teg við nógvum fjølbroyttum arbeiðsuppgávum.

 

Vit vænta, at tú hevur FHS, HH,student ella líknandi útbúgving ella royndir. Sum persónur, at tú ert fyrikomandi, íðin, kreativ/ur og hevur áhuga innan brúkslist. Harumframt dugirtú at arbeiða sjálvstøðugt og at vera partur av einum góðum arbeiðstoymi. Skúlagongdin er í Danmark, fýra ferðirnar tvær vikur.

 

Umsóknarfreist er mánadagin 11.Juli 2022. Læruplássið er fulltíðarstarv og verður sett skjótast gjørligt. Umsókn við próvskjølum og møguligum CV og viðmælum skulu sendast til sd@mp.fo

 

Meira fæst at vita um starvið við at ringja tel. 31 20 01 ella 21 80 60 og tosa við Súsannu á Dul